ખબર કનેક્ટ ન્યુઝ નેટવર્ક, જામનગર :
લોકસભાની ચૂંટણી માટે જામનગરના રાજવી જામસાહેબ શત્રુશલ્યસિંહજીએ પોતાના મતાધિકારનો ઉપયોગ કર્યો છે.
અતિ નાદુરસ્ત તબિયત વચ્ચે જામનગર નવાનગર સ્ટેટના રાજવી શત્રુશલ્યસિંહજી પાયલોટ બંગલે થી સીધા જ જામનગરના પોલીસ હેડક્વાટર ખાતે આવેલ શાળા નંબર 29માં મતદાન માટે વહીવટી તંત્ર દ્વારા ખાસ વ્યવસ્થા વચ્ચે પહોંચ્યા હતા. જ્યાં ચૂંટણી વિભાગના નાયબ કલેકટર ઝીલ પટેલ અને અધિકારીઓની ઉપસ્થિતિમાં રાજવી જામ શત્રુશલ્યસિંહજીએ ઇવીએમ માં પોતાનો મત આપી લોકોને પણ અંતિમ ઘડીએ મતદાન અચૂક કરવા અપીલ કરી છે.
જામનગરના જામ સાહેબ શત્રુશલ્યસિંહજીએ મતદાન કર્યા બાદ મિડિયા સાથે વાતચીત કરતા જણાવ્યું હતું કે, તમામ લોકોએ રાષ્ટ્રના હિતમાં મતદાન કરવું જોઈએ અંતિમ તબક્કે મતદાન કરવા માટે લોકો અચૂક આવે તેવું આહવાન પણ રાજવીએ કર્યું છે.
