Home જાણવા જેવું લગ્ન પ્રસંગે સામાજીક ઉત્થાન માટે પટેલ સમાજના વર-કન્યાએ શુ નવી કેડી કંડારી,...

લગ્ન પ્રસંગે સામાજીક ઉત્થાન માટે પટેલ સમાજના વર-કન્યાએ શુ નવી કેડી કંડારી, જાણો

0

ખબર કનેક્ટ ન્યૂઝ નેટવર્ક, ગોંડલ: (ક્રિશ ટીંબડીયા)

લગ્નસરાની સિઝનમાં વર-કન્યાનું સમાજના ઉત્થાન માટે ઉમદા કાર્ય સામે આવ્યું છે. રૂ. 21000નો ચેક લગ્ન પ્રસંગે અર્પણ કરવામાં આવ્યો છે. અને સાબિત કર્યું છે કે, ચાંદલો, વધાવો કે ગિફ્ટ લેવાનો પ્રસંગ જ નથી આવા શુભ પ્રસંગે દાન આપી પણ શકાય છે.

- Advertisement -

લગ્નસરાની સિઝન પૂર બહારમાં ખીલી છે સામાન્ય પરિવારના લોકોને પણ એક જ તારીખના બે-ત્રણ નિમંત્રણ આવ્યા હોય તેવા કિસ્સાઓ બની રહ્યા છે, લગ્ન પ્રસંગમાં સમાજના શ્રેષ્ઠી, ધર્મગુરુ કે રાજકીય હસ્તી હાજર રહે તેવું કોણ ના ઈચ્છતું હોય ? આવા લોકોની હાજરી થી પરિવારની રોનકમાં વધારો થતો હોય છે.

જેતપુર મુકામે શૈલેષભાઈ બામણોલિયાના પુત્ર અને ખોડલધામ વિદ્યાર્થી સમિતિ-KDVS ના સક્રીય કાર્યકર વત્સલનો શુભ લગ્ન પ્રસંગ હોય, પટેલ સમાજના શ્રેષ્ઠી ખોડલધામ ટ્રસ્ટના પ્રમુખ નરેશભાઈ પટેલ ને પણ આમંત્રણ અપાયું હતું અને તેઓએ સૂચક હાજરી આપી બામણોલીયાની શોભામાં અભિવૃદ્ધિ કરી હતી. પરંતુ આ નવદંપતીને સમાજને કંઈ પ્રેરણા મળે તેવું કાર્ય કરવું હોય બામણોલીયા પરિવાર ફુલ નહિ તો ફૂલની પાંખડી સ્વરૂપે ખોડલધામ ટ્રસ્ટને રૂ.21000 નો ચેક નરેશભાઈ પટેલ ના હસ્તે અર્પણ કરાયો હતો અને કહેવાયું હતું કે સમાજના ઉત્થાન માટે આ રકમનો ઉપયોગ થાય તેવો તેમના પરિવારનો આશય છે. ત્યારે આ ક્ષણે હાજર તમામ મહેમાનો એ કહ્યું હતું કે, નવદંપતી અને બામણોલીયા પરિવારનું આ ખૂબ ઉમદા કાર્ય છે.

જો દરેક પરિવાર આવું વિચારે તો દરેક સમાજ માટે કંઈક અલગ ફંડ ઊભું થાય અને તેનાથી સમાજના ઉમદા કાર્યો થઇ જ શકે તેમાં કોઈ શંકાને સ્થાન નથી જ !

LEAVE A REPLY

Please enter your comment!
Please enter your name here