Home સૌરાષ્ટ્ર-કચ્છ પ્રેમ પ્રકરણ મુદ્દે બઘડાટી, બે ઘરોમાં શખ્સોએ કરી તોડફોડ

પ્રેમ પ્રકરણ મુદ્દે બઘડાટી, બે ઘરોમાં શખ્સોએ કરી તોડફોડ

0

ખબર કનેક્ટ ન્યૂઝ નેટવર્ક, ગોંડલ: (ક્રિશ ટીંબડીયા)

ગોંડલના ભગવતપરા માં જુના પ્રેમ પ્રકરણ મુદ્દાનો ખાર રાખી પાડોશમાં જ રહેતા ત્રણ શખ્સોએ લોખંડના સળીયા પાઇપ સાથે ઘૂસી આવી બાઈક છાપરામાં તોડફોડ કરી યુવકને જાનથી મારી નાખવાની ધમકી આપી નાસી છૂટયા હતા. જે બનાવ અંગે પોલીસે ગુનો નોંધી વધુ તપાસ હાથ ધરી છે.

- Advertisement -

ગોંડલના ભગવતપરા શેરી નંબર 2 માં રહેતા અને મજૂરી કામ કરતાં સાગર દિનેશભાઈ ભોજાણી (ઉંમર વર્ષ 22 )કોળી યુવાન પોતાની માતા સારદાબેન સાથે ઘરે હતો તે અરસામાં રાત્રિના સાડા નવ વાગ્યે પાડોશમાં રહેતા અશોક ઉર્ફે દાના મકવાણા, કાર્તિક કિરીટ મકવાણા તથા અભય કિરીટ મકવાણા ત્રણેય લોખંડના સળિયા સાથે ધસી આવી તારા નાના પુત્ર બીપીન ને મારી ભત્રીજી સાથે પ્રેમ સંબંધ છે તેને સમજાવી દેજો નહિતર જાનથી મારી નાખીશું કહી ઘરનાં ફળિયામાં પડેલા બાઇક, સિમેન્ટના છાપરા તેમજ પાડોશી મોટાબાપુ છગનભાઈ ભોજાણી ના ઘરમાં તોડફોડ કરી સામાન વેરવિખેર કરી નાસી છૂટયા હતા.

આ બનાવ અંગે યુવકે ગોંડલ સિટી પોલીસ સ્ટેશનમાં ઘરમાં ઘૂસી તોડફોડ કરી આતંક મચાવનાર ત્રણેય શખ્સો વિરુદ્ધ પોલીસ ફરિયાદ નોંધાવી છે પોલીસે ભારતીય દંડ સંહિતાની કલમ 452 427 504 506 હેઠળ ગુનો નોંધી શોધખોળ હાથ ધરી છે.

LEAVE A REPLY

Please enter your comment!
Please enter your name here