Home સૌરાષ્ટ્ર-કચ્છ જામનગરમાં આશીર્વાદ રિસોર્ટ ક્લબની આદ્યશક્તિ નવરાત્રિ મહોત્સવમાં ઘરેલુ ગેસ સિલિન્ડરનો ગેરકાયદે ઉપયોગ:...

જામનગરમાં આશીર્વાદ રિસોર્ટ ક્લબની આદ્યશક્તિ નવરાત્રિ મહોત્સવમાં ઘરેલુ ગેસ સિલિન્ડરનો ગેરકાયદે ઉપયોગ: પુરવઠા તંત્રની ઢીલી કામગીરી

0

ખબર કનેક્ટ ન્યૂઝ નેટવર્ક, જામનગર:

જામનગર શહેરમાં નવરાત્રીમાં પુરવઠા વિભાગની ઢીલી રાસ રમતી નીતિ પ્રકાશમાં આવી છે . જામનગરમાં આશિર્વાદ રિસોર્ટ ખાતે ચાલતા આદ્યશક્તિ નવરાત્રિ મહોત્સવમાં ખુલ્લેઆમ ખાણી પીણીના સ્ટોલ પર સબસિડાઇસ રાંધણ ગેસ ના સિલિન્ડરો ઉપયોગમાં લેવાઈ રહયા છે. ત્યારે જામનગર પુરવઠા વિભાગ છેલ્લા કેટલાય સમયથી આ અંગે કોઈ તપાસ પણ હાથ ધરી ન હોવાનું પ્રકાશમાં આવ્યું છે .

- Advertisement -

રાંધણ ગેસ જે ઘરોમાં વપરાય છે સરકારની સબસીડીની છૂટ હોય છે. જયારે કોમર્શિયલ ( ધંધાકીય ) ગેસ જેના પર કોઈ પ્રકારની છૂટ હોતી નથી . અને કોમર્શિયલ ગેસ આ પ્રકારે ચાલતા સ્ટોલ તેમજ રેસ્ટોરન્ટ અને લારીઓ પર વપરાશમાં લેવાનો હોય છે . પરંતુ જામનગરમાં હાલ ચાલી રહેલી નવરાત્રિમાં આયોજનમાં માલિકો દ્વારા નાસ્તાઓના સ્ટોલ પર રાંધણ ગેસ ના સિલિન્ડરો વપરાશમાં લેવામાં આવી રહ્યા છે .

સામાન્ય લોકોને મુશ્કેલી અને લારી ગલ્લા સ્ટોલમાં બખ્ખા રાંધણ ગેસ શહેરની કેટલીક હોટેલ ના માલિકો બેરોકટોક રીતે નિયમોનો સરેઆમ ઉલ્લંઘન કરીને વપરાશ માં લઇ રહયા છે . જે રાંધણ ગેસનો એક સિલિન્ડર રૂ ૫૧૦ માં આવે છે. એ હોટેલ માલિકોને રૂ ૬૨૦ થી રૂ ૬૫૦માં આપવામાં આવતો હોય છે. અને કોમર્શિયલ સિલિન્ડર રૂ ૧૦૩૦ માં આપવામાં આવતો હોય છે , કાળા બજાર કરીને ખરીદવામાં પણ હોટેલ માલિકોને રાંધણ ગેસ કોમર્શિયલ ગેસ કરતા સસ્તો પડતો હોય છે. અને એક કિ.ગ્રા. દીઠ રૂ ૭.૫૦ નો ફાયદો ઉઠાવતા હોય છે . જે કોઈ એજન્સી વગર કે એજન્સીના માણસો વગર શક્ય નથી.

ઘર માટે જ્યારે સિલિન્ડર નોંધાવવાનો હોય છે એ સમયે માત્ર એક સિલિન્ડર માટે ૪ થી ૫ દિવસ સમય લાગતો હોય છે. ત્યારે જેતે હોટેલ માલિકો અને લારીઓ પર દર ૨ થી ૩ દિવસે સિલિન્ડર ની જરૂર પડતી હોય છે તો એમને કઇરીતે સિલિન્ડર મળી જાય છે એ એક પ્રશ્ન છે . ગેસ સિલિન્ડર વાપરવા માટેનો નિયમોનો સરેઆમ ઉલળીયો થઈ રહ્યો છે. ત્યારે પુરવઠા વિભાગ આ અંગે શુ પગલાં લ્યે છે તે જોવું રહ્યું…

LEAVE A REPLY

Please enter your comment!
Please enter your name here