ખબર કનેક્ટ ન્યુઝ નેટવર્ક, સલાયા : (આનંદ લાલ)
સલાયા ખંભાળિયા હાઇવે ઉપર કુબેર વિસોત્રી ગામ પહેલા ગોલાઈ ઉપર કોઈ કારણોસર વરસાદ ચાલુ હોઈ ડ્રાઈવરે ટેન્કર ઉપરનો કાબૂ ગુમાવતા ટેન્કર રોડ નીચે ઉત્તરી પલટી મારી ગયું હતું.સદનસીબે ડ્રાઈવરને વધુ કોઈ ઇજા થયેલ નથી.આં ટેન્કર ન્યારા કંપનીમાથી પેટ્રોલ 19000 લીટર અને ડીઝલ 5000 લીટર ભરીને નીકળ્યું હતું. હાલ આ ટેન્કર ને બહાર કાઢવા ક્રેન બોલાવેલ છે. સલાયા નગર પાલિકા તેમજ ન્યારા કંપનીના ફાયર ફાયટર સ્થળ ઉપર આવી ગયેલ છે. તેમજ સલાયા મરીન પોલીસ પણ ઘટના સ્થળે પહોંચી ગયેલ છે.જાણવા મળેલ વિગત મુજબ આં ટેન્કર સલાયા ના સહયોગ પેટ્રોલ પંપ માં આં જથ્થો લઈને જતું હતું. હાલ આ જથ્થામાંથી કેટલો જથ્થો વહી ગયેલ છે એ બચાવ કામગીરી પૂર્ણ થયા બાદ જાણવા મળશે.
