Home ગુજરાત વિચરતી અને વિમુક્ત જાતિના પરિવારોની વસાહતમાં કલેકટર સહિતના અધિકારીઓએ જઈને શુ કર્યું...

વિચરતી અને વિમુક્ત જાતિના પરિવારોની વસાહતમાં કલેકટર સહિતના અધિકારીઓએ જઈને શુ કર્યું કે લોકો થઈ ગયા ખુશ જાણો…

0

ખબર કનેક્ટ ન્યૂઝ નેટવર્ક, પાટણ: (સુનિલ પટેલ)

વિચરતી અને વિમુક્ત જાતિના ૪૩ જેટલા પરિવારોને સિદ્ધપુર તાલુકાના ગણવાડા ગામે વસવાટ ખાતે છે. તેમની વસાહતમાં વાદી, બજાણીયા અને ડફેર જેવી વિચરતી જાતિના પરિવારોના વસવાટ કરે છે આ લોકોના સ્થાયીકરણ મુદ્દે વહિવટીતંત્ર વહારે આવ્યું છે. સમાજ દ્વારા જેની અવગણના કરવામાં આવે છે તેવા વિચરતી અને વિમુક્ત જાતીના પરિવારો પ્રત્યે જિલ્લા કલેક્ટરે સંવેદના દાખવી છે. આ પરિવારોની પ્રાથમિક જરૂરિયાતોને ધ્યાને રાખી ૪૩ જેટલા રેશનકાર્ડ ઈસ્યુ કરવામાં આવ્યા છે.

- Advertisement -

સિદ્ધપુર તાલુકાના ગણવાડા ગામે રહેતા વિચરતી અને વિમુક્ત જાતિના પરિવારો છૂટક મજૂરી કરી જીવનનિર્વાહ કરે છે. સમાજ દ્વારા જેની અવહેલના કરવામાં આવે છે તેવા વાદી, ડફેર, બજાણિયા જેવી જ્ઞાતીના આ પરિવારો વર્ષોથી હિજરત કરતા આવ્યા છે. સ્થાયીકરણના અભાવે આર્થિક ઉપાર્જન અને બાળકોના શિક્ષણ સહિતના પ્રશ્નોના કારણે આ પરિવારો આર્થિક અને સામાજીક અને શૈક્ષણિક રીતે પછાત રહી ગયા છે.

વિચરતી જાતીના આ પરિવારોનું સ્થાયીકરણ થાય અને તેમની પાયાની જરૂરિયાતો સંતોષાય તે માટે સતત પ્રયત્નબદ્ધ જિલ્લા કલેક્ટર આનંદ પટેલની પ્રેરણા અને માર્ગદર્શન હેઠળ વહિવટીતંત્ર દ્વારા આ પરિવારોના જરૂરી સાધનીક કાગળો એકત્ર કરી તેમના રેશનકાર્ડ ઈસ્યુ કરવામાં આવ્યા. ગણવાડા ખાતે રૂબરૂ હાજર રહી આ પરિવારોની વસાહત ખાતે જિલ્લા કલેકટરે ૪૩ જેટલા પરિવારોને રેશનકાર્ડનું વિતરણ કર્યું હતુ. આ ઉપરાંત વસાહતમાં પાણીની પાઈપલાઈનના અભાવે પડતી મુશ્કેલી પડતી હોવાની રજૂઆતને ધ્યાને લઈ જિલ્લા કલેક્ટરે પાઈપલાઈન નાંખવા સ્થળ પર જ મંજૂરી આપી હતી.

ગણવાડા ખાતે વિચરતી જાતીની વસાહતની મુલાકાત દરમ્યાન જિલ્લા કલેક્ટરેે આ પરિવારોના પ્રશ્નો સાંભળી તેના ઝડપી નિરાકરણ માટે વહિવટી તંત્રના અધિકારીઓનેે સુચના આપી હતી. આ ઉપરાંત મહિલાઓને તેમના ભરતકામ જેવા હુનરને વિકસાવી સ્વસહાય જુથની રચના કરી રાજ્ય સરકારની યોજનાઓ થકી આર્થિક મદદ દ્વારા સ્વનિર્ભર બનવા માર્ગદર્શન આપ્યું હતુ.

આ મુલાકાત દરમ્યાન સિદ્ધપુર પ્રાંત અધિકારી જે.એમ.તુંવર, સિદ્ધપુર મામલતદાર બી.એસ.મકવાણા, સિદ્ધપુર તાલુકા વિકાસ અધિકારી એઝાઝભાઈ રાજપરા, પુરવઠા વિભાગના અધિકારી ગીતાબેન દેસાઈ, જિલ્લા નાયબ નિયામક (વિ.જા.) ડૉ. વિઠ્ઠલભાઈ પટેલ તથા અધિકારીગણ ઉપસ્થીત રહ્યા હતા.

LEAVE A REPLY

Please enter your comment!
Please enter your name here